Aukera paregabea, beraz, euskaraz gehiago aritu nahi dutenentzat, edo dugunontzat, Mintzalaguna ez baita soilik euskara ikasten dabiltzanentzat.
Mintzalagunak astean behin Gasteizko auzo ezberdinetan elkartzen dira, gutxienez ordu betez. 8-10 laguneko taldeetan jakintzan zein erabilera maila ezberdina duten pertsonak batzen dira eta euren arteko komunikazioan euskara baliatzen dute.
Geu elkarteak antolatzen duen ekimen honetan, talde bakoitzeko Mintzalaguntzaile bat egoten da.
Zeu ere Mintzalagun izatera animatzen bazara, hemen eman dezakezu izena.
