Maiteminduen egunaren harira antolatu dute txapelketa, eta DBH-1D gelako Ioritz Erañak eta DBH-4A gelako Asier Perezek irabazi dute norgehiagoka.
Bi multzotan lehiatu dira ikasleak: DBH1 eta DBH2 mailakoak alde batetik, eta DBH3 eta DBH4 mailakoak, bestetik. Lehen multzoan Erañak irabazi du honako lausenguarekin: “Zure ezpainak arroza eta nireak esnea balira, zer arroz-esne sorta emango genioke elkarri”. Ostera, Perez izan da bigarren multzoko garailea; honela zioen bere laudorioak: “Nola jarriko naiz dietan horrelako bonboiarekin”.
Irabazleek bonboi-kutxa bana jaso dute Euskara Batzordeko kideen eskutik. Lausengu lehiaketa antolatu duen batzordea lau kidek osatzen dute: Hegoi Amabizka, Oihan Cordoba eta Samuel Rodriguez ikasleek; eta Koldo Zubizarreta irakasleak.
