Hamaika egunetan zehar eta lekukoa hiru mila esku baino gehiagotatik igo ostean, Bilbora iritsi zen euskararen aldeko lasterketa. Bertan, Euskal Herriko lurralde guztietako gazteek etorkizuna irudikatu nahi izan zuten lekukoan idatzitako mezuaren bidez, euskara garela berretsi zuten.
Behin KORRIKA amaituta, jardueraren antolatzaile den AEK-k eskaera bat egin digu KORRIKArekin bat egin dugu eragileoi. Hain zuzen ere oraindik euskalduntzeko dauden herritarrei: urrats bat egin dezaten eska diezaiegun, eta haiek ere euskara izan daitezen.
Horretarako, Gasteizko AEK-k dinamika bat antolatu du eta horren bitartez eskola bat doan eta mintzodromo bat eskainiko dute haien euskaltegi guztietan. Ekimenaren bitartez jende berria hurbildu nahi dute euskarara. Horrela. apirilaren 22an hasiera mailako doako eskola bat eskainiko dute Aixkiria AEK euskategian (Jose Mardones, Judimendi) eta Zadorra AEK euskaltegian (Lakua-ibaiondo). Esan bezala, lehen eskola hori doakoa izango da eta honako LOTURA honetan egin beharko da.
Ezagunik baduzu, anima ezazu!
