Irudia
Eskulanetan ibiltzea pila bat gustatzen zaigu ikastolan, argi dago. Eskulan horiekin gure munduaren errepresentaziorik txikiena bada ere egin badezakegu, are gehiago. Horretan aritu dira, hain zuzen, LH 4ko ikasleak Ingurunen: birziklatutako botilekin autoak egin dituzte, mugimendua nola sortzen den aztertzeko. Halaber, bide-hezkuntzako arauak eta bide-seinaleak landu dituzte, eta, ondoren, zirkuituak eraiki dituzte horiek guztiak aplikatzeko.
Jardueraren informazioa: ekigunea - 4.2 ‘Kontuz! Oinezkoak bidean’
Hankaz gora jarri dituzte ikastolako pasilloak, baina primeran pasatu dute. Horren lagina uzten dizuegu beheko irudietan. LHko lehen ziklo ikasleak haiekin izan dira ere, eta aukera aprobetxatu dute egindakoa erakusteko.
