Euskara da Armentia ikastolaren bizkarrezurra, euskarak egiten gaitu ikastola, euskara gara
Goiko esaldia irakurrita, imajinatuko duzue zertaz arituko garen hurrengo artikuluan, ezta? Bai, hala da: euskara, gure hizkuntza. Zehazki, ikastolan martxan jarriko dugun Ikastolan zaude, euskaraz hobe kanpainaren berri eman nahi dizuegu.
Etengabe esaten ari gara euskara dela ikastolaren oinarria, bizkarrezurra; Armentian euskaraz bizi nahi dugula. Horretarako, lanean ari gara ikasleak euskalduntzen, euskararen erabilera sustatzen eta euskaraz eroso aritzeko espazioak sortzen. Baina horrek guztiak ez du ezertarako balio gutako bakoitzak ez badu ahaleginik txikiena ere egiten. Euskara ez dakarrenak ere asko egin baitezake.
Hori dela eta, ikusiko zenuten bezala, ikastolan hasiak gara ikur identifikagarriak txertatzen (sarreretan, idazkaritzan…). Honen bidez, animatu nahi zaituztegu, batetik, euskaraz jakinez gero, ikastolan euskaraz egitera (bakoitzak bere mailan), eta, bestetik, gure hizkuntza ezagutzen edo menderatzen ez baduzue ere, lehen hitza beti euskaraz egitera. Badakigu ez dela lan makala, baina ziur gaude mereziko duela.
Eman diezaiogun euskarari merezi duen lekua.
Ikastolan zaude, euskaraz hobe.
