Herri Urrats, Kilometroak, Nafarroa Oinez, Ibilaldia eta Araba Euskaraz. Horiexek dira Euskal Herriko Ikastoletako jai nagusiak eta horien ekimenez antolatzen da Liburu ibiltaria.
Aurten Jaiak gaia izan behar zuen oinarri. Horrela, ikastola bakoitzak 120 hitzeko pasartea idatzi behar du eskuz, eta idatzitakoari lotutako irudia marraztu behar dio irakurri ezin duenarentzat. Beti ere, oinarrizko baldintzari jarraikiz: idatzitakoak ezin du bukaerarik izan hurrengo ikastolak jarraipena eman diezaion.
Ilusio handiz hartu dugu liburu ibiltaria ikastolan, eta DBH3ko ikasleak arduratu dira istorioa jarraitzeaz eta margotzeaz. Zinez ekarpen polita egin dute Txomin Zaratek, Aisha Perezek, Uxue Castañok, Irantzu Sanzek eta Urko Mendizabalek. Zorionak!
