Irudia
EUSKARALDIA euskara ulertzen duten hiztunen hizkuntza-ohiturak aldatzeko mugimendu soziala da, Euskal Herri osoan eragiteko sortua. Mugimenduak herritarren hizkuntza-praktikak aktibatu eta euskararen erabilera handitu nahi du, eguneroko harremanetan euskara lehenetsiz eta 11 eguneko praktika sozial masibo bateratu baten bidez.
Aurtengo edizioa maiatzaren 15etik 25era izango da, eta gure ikastolak izena eman du dagoeneko, noski, Arigunea den (alegia, euskara erabiltzeko gune erosoa) horretan. Halere, gogoan izan, EUSKARALDIA bera helduei begirako ariketa kolektiboa dela, eta beraz, oraingoan ere gurasoen konpromisoa nahitaezkoa izango da, AHOBIZI zein BELARRIPREST roletan.
Elkar mugituz egingo dugu!
