Udazkena iritsi eta badugu Errigorako produktu sorta gurekin berriro ere: Agerreko uzta euskarari puzka. Nafarroako hegoaldeko eta erdialdeko produktuz osatutako saskiak banatuko dituzte, eta, auzolanari esker, bertako euskalgintzari ekarpen ekonomiko garrantzitsua egingo zaio.
Ekarpen hori ezinbestekoa da zonaldeko ikastolentzat eta AEK-ren euskaltegientzat, baita sare publikoan D eredua sustatzeko dinamikentzat ere. Gainera, Agerraldia mugimenduaren iturburu eta sustengu ere bada; zonaldean euskararen ezagutza eta erabilera bultzatzeko eta bere aldeko jarrerak indartzeko lan egiteko baliabideak eskaintzen dizkio.
Beraz, eskaria egiteko interesa izanez gero, bete ezazue hurrengo galdetegia, azaroaren 13a baino lehen:
Saskiei buruzko informazioa behean atxikitutako dokumentuetan aurkituko duzue.
Eman bultzada, indartu euskara!
