Margotu, garbitu, bonbilak aldatu, ubideak txukundu… komunitatearen esku guztiak dira ongi etorriak Auzolanean. Izan ere, denok lagundu dezakegu zerbaitean, inor ez dago soberan. Horrexegatik, gaurdanik, azaroaren 16an egutegia borobil batez inguratzeko eskatu nahi dizuegu. Handia bezain ederra da egun horretan ikastolan sortzen den giroa, gurasoen eta langileen artean sortzen den konplizitatea. Finean, denon eskuak Armentia Ikastolaren beharretara jarraitzen ditugu, eta ikastolako kide sentitzeko aukera ezin hobea da.
Hurrengo astean bidaliko dizuegu informazio xeheagoa, baina, esan bezala, gorde eguna!
