Suhiltzaileak ikastolan izan ditugu

Ez larritu; LH6koekin izan dira, baina suteen prebentzioaren inguruan solasean.

2024/09/27

Lehenengo ordutik izan dugu Gasteizko suhiltzaileen eta Osakidetzako langileen bisita ikastolan. Ikastolako sarreran anbulantzia eta furgoneta utzi, eta LH6koekin elkartu dira geletan.

Taldeka banatuta, batzuek suhiltzaileen azalpenak adi-adi jarraitu dituzte, sute baten aurrean nola jokatu ezagutzeko. Bitartean, besteei lehen sorospenen inguruko jarraibideak eman dizkiete Osakidetzako teknikariek.