Arabako zortzi ikastoletako ordezkariek aurkeztu zuten aurtengo egitaraua, izan ere, ikastola guztien elkarlanaren bidez egiten du Aurrera jaiak. Eta, aurten, aterako den dirua Oiongo San Bizente ikastolak jasoko du.
Egitarau oparo bezain beteta izango da Olarizun Arabako ikastolen aldeko jai nagusian: Arte Eszenikoak, Go!azen-en karaokea, “Mugaezin Txoua!”, Dantza Plaza, Zunba... Horekin batera, euskal dantzen topaketa eta bertsoak ere izango dira. Halaber, nola ez, kontzertuak ere izango ditugu; Ibil Bedi, Janes Lester, Burutik eta DJ Malandro. Esan bezala, beraz, bete-beteta dator eguna.
Azkenik, jakin izan da zein erakunde omenduko den aurten. Arabar Errioxatik dator. Hain zuzen ere, kuadrilla horretako helduen euskalduntzean lan eginez urteak daramatzan IKA euskaltegia omenduko dugu. Ikastolok geure seme-alabak bezala, IKA euskaltegiko irakasleak 1983tik ari dira helduak euskalduntzen Arabar Errioxan. Gainera, Arabar Errioxako ikastolekin eskuz esku ari dira lanean.
