Aurretik esan bezala, Euskal Herriko Ikastolak VII. Batzarraren eztabaida-prozesuari ekin dio, ikastolen 8-10 urteko ildoak eta estrategiak zehazteko. Berriki hasi eta ekainaren 22an amaituko da prozesua Iruñean antolatuko den azken batzarrean.
Aurreko astean eskualdeko hainbat ikastolatako Kontseilu Errektoeetako zein zuzendaritzetako ordezkariak bildu ginen Armentian, hain zuzen ere, Lautada, Argantzon, Arizmendi, Aranzadi eta Txantxikukoak. Bertan eztabaidaren lehen saioa egin genuen, eta geure buruak prestatu genituen prozesua zeinek bere ikastolara eramateko. Nondik gatozen, non gauden eta nora joan nahi dugun izan genuen aztergai.
Orain, gurean, hurrengo urratsa martxoaren 18an, astelehenarekin, egingo dugu, eta horretarako, Armentia Ikastolako komunitatea behar dugu ondoan. Izan ere, egun horretan Armentia osatzen dugunon txanda izango da gure iritzia, ekarpenak, adostasunak eta desadostasunak zehazteko.
Hemendik eta pare bat egunera bidaliko dizuegu informazio guztia, baina prozesuaren inguruko hainbat informazio nahi izatera, eskuragarri duzue honako loturan: https://7batzarra.ikastola.eus/eu
