Bigarren bideoan, Armentia Ikastolako guraso eta Arabako Ikastoletako lehendakari Unai Mendizabalek hartuko du hitza. Nagusiki Batzar Orokorrari begira izango den eztabaidaren edukiak aurkezten ditu. Hiru txosten izango dira. Lehenean, azken batzarretik gaur egunerako balorazioa egiten da; bigarrenean, egun ikastolen egoera zein dene eta, hirugarrenean, nora eraman nahi ditugun ikastolak, bai eta nola ere. Azalpen horietaz gain, ikastolen erronkez ere dihardu Mendizabalek, erronka globalez eta tokiko erronkez. Eta, azkenik, ekainean zer-nolako argazkia irudikatu nahi den azaltzen du. Aurreratzen du irudi indartsua izango dela, gero eta ikastola gehiago garelako. Horrekin batera, gure proiektua herrikoia dela eta herrian errotuta dagoela erakutsiko dugu, bai eta euskara eta euskal kultura oinarri dituen hezkuntza eredu propioa eraikitzeko prestutasuna ere.
