Pantailen presentzia izango da ikastolako ziklo pedagogikoaren azken hitzaldiko gaia

Haurrak jaiotzen diren momentutik, pantailak dituzte inguruan. Gurasoak pantailak kudeatzen ikusten gaituzte hasieratik. Gu gara haien eredu. Berebiziko garrantzia du hasieratik, gurasoek informazioa jasotzea, bere erabilera propioaren inguruan hausnarketa egitea eta erabilera osasuntsu bat egiteko erabakiak hartzea. Era berean, pantailek haurraren garapen kognitibo, emozional zein sozialean duten eraginaz jabetzea oso garrantzitsua da. Ondoren, erabilera osasuntsu baten aldeko ekintzak eta praktikak gomendatuko dira.

Hori guztia Miren Ros Aiartzaguenaren eskutik jasoko dugu. Miren hezitzailea da, eta bidelagun proiektuaren sortzailea. Familia eta hezitzaileentzat informazioa, formakuntza eta aholkularitza eskaintzen ditu.