Kantari umeentzako musika ikuskizunak hasi ditu dagoeneko prestaketa lanak, eta parte-hartzaileen izen-emate epea zabalik dago honezkero.
Gasteizko 6 eta 12 urte bitarteko gaztetxoek dute Kantarin parte hartzeko aukera, eta horretarako, gelakideekin batera, lau eta bost lagun bitarteko taldeak osatu beharko dituzte. Izen-ematea galdetegi honen bitartez egin beharko dute, urtarrilaren 26a baino lehen.
Zalantzak argitu edota informazio osagarria eskuratzeko, harremanetan jar zaitezkete honako kanalen bidez:
- Telefono bidez: 640 574 996
- Posta elektronikoz: kantari@geuelkartea.eus
Gogoratu Kantari Gasteiz ikuskizunean parte hartzeko taldekide guztien izen-emate fitxa ezinbestekoa dela, eta taldeko partaide bakoitzak bere fitxa osatu beharko duela. Adibidez, lau laguneko talde batean, ume bakoitzaren familiak dagokion seme-alabaren fitxa bete beharko du.
Gogoratu nahi dizuegu Kantarik ez duela inolako lehiaketa kutsurik; ez da irabazlerik izango, ezta galtzailerik ere. Parte hartzea eta ondo pasatzea da garrantzitsuena.
