Urtarrilak 14, Go!azen Europa Jauregian

Araba Euskarazen eskutik, Go!azen telesailak kontzertua eskainiko du Gasteizen, urtarrilaren 14an. Ikuskizuna Europa Biltzar Jauregian izango da, eta bi emanaldi eskainiko ditu: 16:30ean eta 18:30ean. Sarrerak dagoeneko salgai daude, Araba Euskarazen webgunean.

10 urte gure pantailetan

Go!azen telesailak 10 urte beteko ditu aurten, eta hori gutxi balitz, 100. atal! Denboraldi honetan, Zuri jada ez da ikasle izango, begiralea baizik. Garazi ez da Basakabira joango ikasle moduan… baina bertan bukatuko du azkenean, aspaldiko etsai ezagun batengandik ihesi.

Bitartean, Noak, Leak, Mattinek eta Saioak erronka zail bat gainditu beharko dute: haien musika taldea berpiztu behar dute institutora itzuli ahal izateko.