Astebete geratzen zaigu besterik ez neguko oporrak hartzeko, eta bide batez, Gabonei ongi etorria emateko. Aitzakia aprobetxatuta, Gabonetako txartel erakusketa antolatuko dugu, berriz ere. Pandemia iritsi arte, urtero antolatzen genuen ekintza da, eta aurten berriro martxan jarri nahi izan dugu.
Ikastolako guraso, irakasle eta ikastolako langileek parte har dezakete, nahi duten formatuan. Horretarako, abenduaren 18rako ekarri behar dituzte txartelak. Txartelarekin batera, gutun-azal itxi batean izen-abizenak, telefonoa eta seme-alaben taldea idatzi beharko dituzte. Gutun-azalean izengoitia agertu behar da, baita txartelean ere.
Epaia abenduaren 21ean emango da, eta emailez jakinaraziko zaio irabazleari. Txartelak erakustaldi eta epaiaren ostean itzuliko dira.
Animatu, eta parte hartu!
