Agerraldia egin zuen Kontseiluak Bilbon, azken hilabeteetan epaitegietatik euskararen aurka ateratzen ari diren ebazpen sortaren aurrean kezka eta haserrea erakusteko. Bertan, Maiatzaren 10eko adierazpen agiria plazaratu zuten, “oldarraldi judiziala” salatzeko.
Horrekin batear, azaroaren 4an Bilbon manifestatzera deitu dituzte herritarrak, euskararen eta herritar guztien “hizkuntza eskubideen alde”. Manifestazioa 17:00etan abiatuko da Euskaldunatik, eta Bilboko udaletxean egingo da amaiera-ekitaldia. Leloa Oldarraldiaren aurrean: euskararekin bat, euskaraz bat izango da. Azken urteetan euskararen alde egin den manifestazio jendetsuena izango dela aurreikusi dute deitzaileek, eta Bilboko kaleak betetzera eta tokian toki mobilizatzera deitu dute.
