Gurasoak gara, gure seme-alabentzat onena nahi dugu, berain garapenaz kezkatzen gara, eta pertsonak garen heinean, denetarik ez dakigula argi daukagu. Horregatik hartzen dugu parte Ikastolako Guraso Eskolan; guk ere ikasten jarraitu behar dugulako, bizitzan gidariak izaten ikasten ari garelako. Zuk ere parte hartu dezakezu!
Iazko arrakasta ikusita, aurten ere aurre-nerabeen eta nerabeen familiei zuzendutako Guraso Eskola martxan jarriko dugu.
Gasteizko Udalaren ‘Hiri hezitzailea’-ren programan dago ‘Guraso Eskola’ ekintza eta psikologian eta pedagogian aditua den profesional batek gidatzen dituen saioetan elkartzen gara. Ikasturte osoan zehar sakabanatzen ditugu saioak, 10 inguru, eta parte-hartzaileek erabakitzen ditugu datak eta bakoitzean jorratu nahi dugun gaia. Aditua koordinatzailea izanik, bakoitzaren kezkak eta esperientziak partekatzen ditugu guztioi lagungarri izango zaigun informazioa trukatzen dugularik. Saioak ostiraletan izango dira, 14:45-16:15 tartean eta gazteleraz.
Galdetegi honen bitartez eman ezazu izena eta lehenengo saioaren data ezagutzen dugunean Armentxoren posta elektronikoa jasoko duzu: Guraso Eskola.
