Maiatzak eman dio hasiera Araban eskolarteko bertsolari txapelketari. Hilabete honetan zehar izango dira 14 urtetik beherakoen topaketak, eta ekainaren 17an finala. 14-18 urte artekoei dagokienez, bi kanporaketa egingo dituzte, eta hilabete hasieran abiatu dira; finala maiatzaren 20an izango da, Aramaion.
Hain zuzen ere, hilaren 4an izan zen azken hauen lehenengo kanporaketa, Gasteizko Gaztetxean, eta bertan aritu ziren sei gazteetatik hiru gure ikastolako ikasleak dira: Samu Rodriguez, Hegoi Amabizka eta Maddi Agirre. Haiekin batera, gai-jartzaile lanetan, Irati Martinez ikaslea aritu zen.
Sei horietatik beste hiru sailkatu dira Aramaion izango den maiatzaren 20ko finalean; Amabizka eta Agirre izango dira horien artean, Iraide Onaindia aramaioarrarekin baterea. Hurrengo astean, hilaren 12an, bigarren kanporaketa izango da Kanpezun, eta bertan gure beste ikasle batek parte hartuko du: Eukene De los Aires. Aupa zuek!
