Urtero moduan, ikastola morez jantzi da aste honetan, martxoaren 8an den Emakume Langilearen Nazioarteko Eguna dela eta.
Egun horren bueltan, ikastolak hainbat ekintza egin ditu, HHtik hasita, azken mailetaraino. Sarrera nagusiko eskaileretako hormak umeen esku margotuez egindako tximeletekin apaindu ditugu. Atea, berriz, feminismoaren ikurrek jantzi dute.
Horrez gain, genero-berdintasunari buruzko bideo-hausnarketa bat ere egin du ikasleen berdintasun taldeak. Hortik abiatuta, ikasgeletan hausnarketa hori landuko da. Hemen duzue bideoa ikusteko esteka: Martxoak 8 - Armentia Ikastola
Hala ere, ezin dugu ahaztu ez dela egun bakarreko kontua, ez dela ospakizuna; borroka baizik, eta urte osokoa. Izan ere, sarrerako kartelak zioen moduan: “Neskak, munduak behar gaitu! Berdintasunaren alde, lortu arte!”.
