Skip to main content

'Jantokiko momentua'

ikasten dituzte gure ikasleek  'jantokiko momentuan'. Lehenengo zikloko haurrek haien hezitzaileekin egiten dute tarte hori, pertsona ezagunekin egoki daitezen. Bazkaltzeko unea momentu lasaia izan dadin dugu helburu. Eta horrekin batera hainbat gauza lantzen eta ikasten dituzte.

Besteei janaria ez kentzen, besteen platera ez mugituz, ez zirikatuz bazkaltzen dugun bitartean... errespetua lantzen dute. Autonomia ere lortzen dute bakarrik bazkaltzen hastearekin batera.

Bestetik, mota guztietako janaria izaten dute, eta nahiz eta beti dena ez jan, gauza berriak probatu eta janariaz gozatzen dute denek elkarrekin, bata bestea ikusiz, neurri batean ezezagunari aurre egitea errazagoa delako. “Momentu polita da eta guretzakoa aukera oso ona da umeekin dugun erlazioa estutzeko”, hezitzaileen ustez.

Eta nola ez, pazientzia ere asko lantzen da, izan ere, “guztiek platera bukatzen ez duten arte, ez diegu guztiei hurrengo platera banatzen eta jateko dagoena ez bazaie gustatzen, tarte batez platera uzten diegu eta jatera animatu, inoiz ez behartu”.

Jantokian, elikatuz aparte, umeak jateko ohiturak ikasten ditu, “baina ohitura horiek etxetik ikasita etorri behar dira, eta hemen ikasketa prozesu hori jarraipena ematen diogu”, azaldu digute hezitzaileek. Askorako ematen du, hortaz, jantokiko momentuak, dudarik gabe.

Azken albisteak

Duela aste bat  Altxa Buruak abian jarritako ekimenaren berri eman genizuen, hain zuzen ere,  seme-alabei mugikor propioa gutxienez DBH1 amaitu arte ez ematea.
Armentia ikastolako ordezkariak ere izan ziren Kursäalen.
Euskaratik beste hizkuntza eta kulturako jendartearekin zubiak eraikitzeko Euskara Zubi metodologia eta bide-orria aurkeztu ditu Aiaraldeko Euskalgintza Kontseiluak.
Datozen egunetan Araba Euskarazeko denda jarriko dugu.