Iraila asmoen hilabetea da, Gabonen ostean urtarrila bezala. Udako oporrak amaitu eta errutina berrabiarazi nahi dugu plan edo intentzio berrien bidez: gimnasiora joaten hasi, ikastaro berrietan izena eman, hizkuntzak ikasi…
Garai aproposena iruditzen zaigu guri ere honakoa gogorarazteko: euskaraz bizi nahi dugu. Horretarako, Gasteizko Udalak eskainitako zerbitzuak eta Foru Aldundiarekin batera sortutako gida helarazi nahi dizkizuegu, etxean, kalean, ikastolan edo zaudeten tokian zaudetela gure hizkuntza erabili, zaindu eta maitatzeko.
Besteak beste, hauek dira Udalak hiritarron esku jartzen dituenak:
- Euskara ikasteko: ikastaroak, euskaltegien zerrenda, Mintzalaguna eta Mintza ON.
- Aisialdirako: Euskararen Agenda, Gasteizen eta Araban dauden euskarazko hitzorduak.
Informazio gehiagorako, sartu Gasteizko Udalaren webgunean.
Horrez gain, aurreko ikasturtean ere zabaldu genuen gurasoentzako gida jarri nahi dugu eskura. Euskaran duzun maila edozein dela ere, zuen seme-alabak euskaraz bizi daitezen asko egin baitezakezue:
- Gida EUSKARAZ
- Gida GAZTELANIAZ
Bizi gaitezen euskaraz, gauden lekuan gaudela.
